إسترجل ياض .....

موضوع: إسترجل ياض ..... الأحد أغسطس 24, 2008 2:17 pm

زى
ما فيه فى الجامعة بنات متعجرمه( نسبة لنانسى عجرم) فيه عندنا برضه شباب
آخر خنفسه..منظرهم هيخلى روحك فى منخيرك .. وودانك فى مصارينك..تخيل إنت
بقى لوبعد عُمر طويل الواد المتخنفس اتجوز بنت متعجرمه هيطلّعوا إيه؟؟

سألت واحد من الشلة فى كلية التربية لغة عربية
( اللى هوا انا طبعا ) عن معنى ( الخنفسة) رد وقال: ليها معنايين

المعنى اللغوي لخنفسة : هى حشرة أغمق من الصرصار وجّيه من التخنفس وجمعها خنافس ولما بيدلعوعها بيقولولها (خنا فيسو)
أما
المعنى الإصطلاحي فملهوش دعوة بالمعنى اللغوي خالص معناه إنك تكون هايص
ومايص وكمان لايص إنك ترقق كلمتك وتدلع مشيتك وتشخلع ضحكتك وتقول بعلو
صوتك .. الوداع يارجولتى مع السلامة ياشنبي

وسألت
مرة واحد صاحبنا متخنفس إنت إيه اللى خنفسك ؟ قال : (عشان أجنن
البنات..ويبقوا بيموتوا فى دباديبي وأمشي مع أكبر عدد منهم وأختبر أخلاقهم
وأختار من بينهم شريكة حياتى اللى هتكمل معايا مشوار الحياة الطويل)..
ياسلام عليك يا أبوجلمبوا ده أنت ولا أفلاطون فى زمانه..هوّ إنت فاكر نفسك نازل السوق تشتري إزازة خلّ..دا جواز يابابا مش لعب عيال....

إلى كل الخنافس البشرية أتحدث:

إنت
ياللي مسقّط بنطلونك وماشي تتمختر, وأنت ياللي آخر مرة حلقت شعرك من 3
سنين ومربّى شعرك وعامله غابات إستوائية وأنت ياللى لابس حلق فى ودانك
وعاملنا فيها ( حسنية) , وإنت يالّلى صوتك أنعم من باكو بسكويت نواعم

إلى كل هؤلاء وآخرون بنقولوا:

فرق كبير بين الروشنة والخنفسة .. مش عيب إنك تكون واد روش بس العيب إن الروشنة تقلب معاك خَنفسة وتبقى الجامعة بلاعة على حِسّك
الخَنفسة
إدمان مش مرتبطة بزمان ومكان هتخلّى صاحبها عنده 28 أو30 سنة ولسّه ما
إتفَطمش..اللي زى ده ميعرفش يفتح بيت أخره يفتح إزازة حاجة ساقعة
ويشربها.....

إسترجل ياض ..... 62zwz7n

توبيك روعة و بجد دية مهزلة

توبيك روعه وبجد الشباب الى بيسقطوا بناطلهم ويطولوا شعرهم ويبفتحوا زراير القميص والله العظيم بيبقوا زباله سورى فى اللفظ بيبقى منظرهم غبى وبيفكروا نفسهم احى ناس فى الدنيا بس بيبقى العكس ومفيش بنت هتردى ترتبط او تتجوز واحد منهم وانا شخصيا بحس انهم مش رجاله
ومرسى على التوبيك

موضوع جميل اوى وفعلا عند حق