والله موضوع على الموضه

ساخير عليكم

اه موضوع على الموضة مش تستغربه

مفيش حاجة فى الزمن ده الواحد يستغرب عليها

والله احترت فى العنوان

فعلا
الانسان ده شخص غريب

غريب امرك يا اخى
عمرك ما قولت الحمد لله
الانسان فعلا ,,,,,,,,,,,,,,,,,,,,,,,,,,,,,,,.................

عمرك رضيت باللى انت فيه وقولت الحمد لله ده شى كويس ومكفينى ومريحنى ومهنينى ومشهيصنى

تبقى فى ابتدائى عاوز تدخل اعدادى
تبقى فى اعدادى عاوز تدخل ثانوى
تبقى فى ثانوى عاوز تدخل جامعه

تبقى فى جامعه عاوز تدخل ابتدائى تانى لا ي اخويا هيا قصه

تبقى فى الكليه عاوز تخلص وتشتغل

تخلص وتشتغل
تبقى عاوز تسافر
تسافر تبقى عاوز تقعد جنب اهلك

تبقى مش مرتبط
تبقى عاوز ترتبط

تبقى بتحب
تبقى عاوز تفركش


تبقى عاوز تتعرف يتنفض لك

تنفض يجروا وراك

ايه الهبل ده ايه الدنيا عامله كده ليه

الناس مش بيرضوا باللى هما فيه ليه معقول كده
كل انسان شايف غيره احسن منه ومرتاح والدنيا معاه فله وفى الحقيقه كل انسان فى اللى يكفيه وزياده

يعنى هوه لازم كل واحد جواه مشاكل يعرف امة محمد صلى الله عليه وسلم انه عنده مشاكل
ولا لازم يحلف على مصحف انه فى مشاكل وقرفان

الانسان مش بيحب يشكر ولا يحمد ولازم يعترض وخلاص

الانسان مش بحس بالحاجه الا لما تضيع منه

الانسان محير ومحتار ويحير وهايحتار اكتر واكتر

لازم نرضى باللى احنا فيه حلو ولا وحش

لازم نرضى باللى احنا فيه حتى لو فيه ناس احسن مننا

منحقدش على حد ولا نقول فلان مرتاح وفلان مش مرتاح


وانا لو قعد اكتب فى التوبيكـ مش هخلص كتابة

كفاية كده واشوف انتم بقى هتقولو اية

طويب واللى فى 1ثانوى ومش عاوز يدخل 2ثانوى يعمل اى

عادى خالص يسقط ويعيد السنه هههههههههه منورنى

بس انا نجحت خلاص
يللا مفيش فايدة قدرى

يلا بقى روحى وامرك لله

تسلم ايديكى

منورانى يا ندى