اكتب على الحجر

2 صحاب كانو ماشيين في صحرا
وهم ماشيين دار بنهم حوار ..المهم في الآخر إشتد الكلام وإتخـــانــقو

انتهى بأن ضرب واحد منهم التاني على وشه بالألم...طرااااااااااخ


إللي إضرب ده يا عيني كان بيتألم...تفتكروا عمل إيه؟؟


طبعاً هتقولو ضربه ؟؟؟ لأ مضربوش

لقى عصايا واقعه ..راح جبها...يا ترى بيعمل بيها إيه؟؟؟

ما إحنا قلنا مضربوش


و لكن من غير ما يتكلم كلمه واحده كتب على الرمل

”اليوم ضربني اعز صديق عندي على وجهي "


و بعدها كملو طريقهم ..علشان هما في صحرا

حتى وصلو إلى واحة ..لــقــو فيها بير.....فراحو يشربو


الصاحب المضروب وهو بيشرب وقع في البير ده وكان خلاص هيغرق

لولا ساتر ربنا شافه صاحبه إللي كان ضربه..وأنقذه

بعدها و لما طلع صاحبه إللي كان هيغرق (إللي هو كان مضروب) حفر على الصخر


”اليوم أنقذ صديقي حياتي“


هنا سأله صديقه الذي ضربه من قبل و أنقذه بعدها


”بعدما ضربتك كتبت على الرمل و الآن حفرت على الصخر, لماذا؟“

فأجابه صديقه

”عندما أغضب منك فعلينا فأكتب ذلك على الرمل.....
لتأتي الريح ......و تجلب المسامحة.... وتمسح المكتوب“

و لكن عندما تساعدني فيجب أن أحفر ذلك على الصخر فيبقى ذلك دائما رغم هبوب الرياح



فلنتعلم أن نكتب آلامنا على الرمال و نحفر الخير على الصخر

يقال إننا نحتاج إلى دقيقة لنجد شخصا مميزا, و ساعة لتقديره, و يوم لنحبه, و لكننا نحتاج إلى أيام عمرنا

كلها لننساه

كنت قريت القصة دي وعجبتني قلت أجبهالكو يمكن نتعلم منها حاجه


هنبطل لعب في الرمل علشان الصيف خلص خلاص كل سنه وإنتم طيبين

ونلعب شويه مع الحجر ونكتب عليه

كل واحد فينا ..النهارده يحفر على الصخر ..قصدي يشارك معانا....
.ويقول جميل لا ينساه من شخص عزيز عليه


يللا مستنيه أشوف أروع كتابه...وأحسن موقف هيتقال ..له عندي هديه

موضوع جميل اوى استفدت منه بس مفيش اصحاب جد

لا اكيد فى اصحاب جد
بس دورى كويس وانتى هتلاقيهم ان شاء الله
ميرسى لمرورك الجميل
نورتى التوبيك

انا عندى احلى واحسن صديقتين فى الدنيا لو عشت عمرى كله مش هلاقى زيهم

يعنى هو دة اللى هتكتبية ولا اى


ميرسى لمرورك الجميل

صدقنى دورت كتير وصحبت كتير وكلهم خاينين بس لقيت صحبه كويسه اللى هوه انتى يا قمر

والله بجد مش عارفة اقولك اى
هو انا اطول تكونى صاحبتى ياقمر