ليه العبط دى؟؟؟

موضوع: ليه العبط دى؟؟؟ السبت أغسطس 16, 2008 4:09 pm

بصراحه بقى كدا الواحد بيستغرب لما يشوف 2000 ولا 3000شاب

خارجين فى مظاهره
ليه؟؟؟

*ليه العبط دا؟؟؟*

ممكن تقولى هينوبك ايه غير وجع القلب وبحه الزور

وعصايتين على جتتك من بتوع الامن المركزى

وكام شلوط على كام قفا
ودش ميه حلو من خراطيم عربيه المطافى؟؟؟؟

ايه يا شباب متصحصحوا معايا

يعم اقعد مع حبيبتك فى الكليه

قلها كلام تافه من الى بتشوفه فى الافلام

وامسك ايدها ومثل دور الهيمان
*هيجرى ايه يعنى؟؟؟؟؟*

ولو حتى هتاخدلك بوسه على الطايرر

ايه يعنى مش حبيبتك يا جدع

سبحان الله ناس غريبه

*******************************
ولا اقولك لو انتا عفش وجربان (سورى يا جماعه)

ممكن تروح تلعبلك كام مطش بلايستيشن تو مع عيال شارعكم

واقعدوا اتخانقوا على مين الى يلعب بنجوم العالم واضربوا بعض وكسروا المحل على راس صاحبه
*ايه يعنى؟؟؟؟*

طلعوا الى جواكم

مش كدا احسن من الهباب الى عايزين تعملوه؟؟؟؟

((_الهباب _ ماده سوداء تستخدم لتلطيخ الوجه))

روحوا اقعدوا على قهوه اضربولكوا حجرين معسل

اهو محدش ساعتها بقى يجى يقلك انك عمال تتسرمح فى الشوارع ليل نهار

اديك قاعد على قهوه بتضرب بانجوا

ومش مشكله لما تخمس مع زميلك فى جوان حشيش

*ايه المشكله يعنى؟؟؟؟*

مش انت كدا قاعد فى حالك [size=16]خلاص[/size]

سيبك يا عم ممعكش فلوس
خلاص ياعم

امشى فى الشوارع ااذى فى خلق الله

ايه يعنى لما ترزع دا طوبه

ولا تشوط العربيه دى شلوط علشان تشغل الانذار وتطلع تجرى انت

واصحابك الروشين ؟؟؟
(- تطلع تجرى- ليها مرادفات كتير منها تفك او تخلع )

ايه المشكله اما تتريق على دا ؟؟

تعاكس دى؟؟؟

تمشى ورا دى؟؟

عادى ارزعها كلمتين من الكلام الروش الى انت حافظه

(يادلع دلع الاسفلت ولع)

اقولك بلاش سيبك من كل دا

ايه رايك فى الواد زعبله؟؟؟

اه الى معاه العربيه الهوندا سيفك الى بتزحف على الارض دى

اه هوا

اركب معاه واقعد عيس فى الشوارع معاه

اتبسط ياعم

على الكاسيت على الاخررررررررررررر

واديها فى اللذيذ

لالالالالالالالا

ولا يهمك اذا كانت دى مدرسه

ولا دى مستشفى

ولا حتى دا جامع والناس بتصلى عادى ياعم

ياعم كبر دماغك
ايه يعنى لما الولا زعبله يروح يخمس بالعربيه قدام القسم؟؟؟

عااااااااادى

مش ابوه ظابط؟؟

يبقى حقه

ايه يعنى لما تتفرج على روبى وهيا بتهز فى حفله

شوف الناس المعقده دى

يباااااااااااااااااااااااااااى

عمال يقولك غض بصرك

ياعم عادى متكبرش الموضوع

البس سلسله دهب وانفش شعرك والبس بنطلون متسقط ليه العبط دى؟؟؟ 9

دى موضه يا جهله

عااااااااااااااااااااااااااااادى

فلسطين ايه وعراق ايه؟؟؟؟؟

احنا مالنا ياعم

مش ناقص وجع دماااااااااااااااااااااااااااغ

ياعم عمالين يشتموا فى اليهود

دا البت ساره الى بكلمها على الشات بت زى العسل

مالهم بيقولوا على اليهود وحشين ليه؟؟؟؟

دراسه ايه ياعم ووجع قلب ايه؟؟

انا لو عليا مدخلش الكليه اصلا

انا داخلها علشان البت نانسى الى بحبها دخلتها

***********************************
***********************************

اتبسط ياعم وعيش حياتك واعمل كل اللى نفسك فيه

متخافش من حد

ولا يهمك حاجه خالص

*بس خلى بالك*

*متبقاش تزعل لما تفضل تاخد على قفاك كدا

*لما تلاقى الناس الى حوليك عماله تطلع تطلع تطلع

وانت عمال تنزل تنزل تنزل

ساعتها اوعى تزعل

*ولا يهمك*

هتقطع نفسك يعنى؟؟؟؟؟

عيش حياتك وتمتع بشبابك

ههههههههههههههههههههههههههههههههههههههههههههه
اية الكلام الجامد دة
مشكوووووووورة

ههههههههه
طريقه جديده لتوعيه الشباب
بس مفيده

على فرة مش شرط أبقى كده أو أبقى كده يعني في حاجة اسمها وسط
مش لازم التشدد ومش لازم الانحراف ممكن تكون أحسن منهم الاتنين عن طريق التوسط (وكذلك جعلناكم أمة وسطا)

زائر

بس اية الكلام دة
احنا بنمشى فى مظاهرة عشان نعبر عن رأينا لو حتى حننضرب لغاية امتى حنكون سلبيين

ههههه انته بتحب شباب المنتدى حب جامد اوىىىىى موضوع جميل

شكرا لمرورك